| 豆腐花，究竟要食咸定甜?呢个问题曾经引起咗好多网友争拗，大家发现，唔同地方嘅人，口味竟然差天共地。豆腐花係咸甜分歧最大嘅一种。广州人食豆腐花，面头一定会放一羹糖浆，甜、滑、润，缺一不可。北方人叫豆腐花做豆腐脑，唔一定放糖，甚至可以係咸嘅，呢点令好多广东嘅人都觉得不可思议。 前段时间，我刚好喺北方试过呢种咸豆腐花，确实有啲难食。虽然淡淡哋，但冇糖始终好古怪;而且，佢远远冇广州嘅做得嫩滑，口感粗糙，同豆腐干有得挥。同样发生过争拗嘅，仲有月饼、粽仔、番茄炒蛋等食物。其中后两种，广东人通常难以接受甜嘅食法，而係放盐嘅。可见，大致睇落，南北嘅食物做法，一个豪放，一个细腻，两地差别唔单只在于咸同甜咁简单。 其实，同广州人嘅开放思维一样，口味并唔会一成不变嘅。就好似，以前街坊唔中意辣嘢，依家受到大量湘菜、川菜嘅潜移默化，好多广州后生仔都无辣不欢，比外省人仲犀利。又譬如汤丸，以前全部係甜甜蜜蜜嘅象征，肯定放糖。但呢几年，因为健康嘅需求，好多“甜”品店都推出咗“咸”汤丸，我觉得呢样嘢真系一种革命性嘅变化，颠覆咗传统。所以，我相信，如果有人喺广州卖咸豆腐花，亦会慢慢有市场。 来源：信息时报
|
25小时网
佛山人才网
禅城人社通
点赞佛山
禅城美丽乡村
25小时网抖音
HOT NEWS
FOCUS NEWS
本站内容均为会员发表,并不代表25小时网立场!
网站简介 | 广告服务 | 联系方式 | 诚聘英才 | 意见建议 | 争议投诉 | 返回顶部
25小时网 版权所有 联系：0757-83035699 广告：0757-83035699
粤ICP备12031763号-1 Copyright@ 2012-2021,25hour.cn. All Rights Reserved 粤公网安备 44060402000029
