唉，呢个时候唔知道凼唔凼翻个女朋友好。

纯爷们

呢排欧洲杯，我霖好多男同志都同我一样啦，晚晚追啵睇，第朝照常返工。
寻晚希腊vs捷克嘎，我一早就霖住系屋企摞定凳仔睇啵仔啦。
点知9点几嘎时候，条女就俾电话我，叫我出嚟唱K。
我话我要睇啵，佢话佢D旧同学系珠海过咗嚟，想见下我，咁我唯有出去啦。
本来出咗去无得睇啵真系好唔开心，不过我用飞信整咗个赛程推送，欧洲杯嘎消息都会定时发俾我。
一开始唱K我都比较投入嘎，同条女D同学有讲有笑咁，到12点果阵，推送话希腊vs捷克开始，咁我米用手机视频睇啵咯。
先睇咗阵，条女就走埋嚟问我做咩唔玩啦，我话，睇啵啊！然后佢就黑晒口面咁走开咗。
到两点左右，条女同D同学散场了，咁我就开车送佢翻屋企啦。
条女一上车就发晒火咁话：
你有无搞错啊！我特登带你同我D同学见下面认识下，点知你就挂住睇啵！睇小阵洗死啊！！
我：
本来我就霖住系屋企睇啵嘎！系你临时拉我出嚟应酬你D同学咋！何况个个男人都系咁嘎啦！我都陪佢地玩咗好耐先睇啵啫！
我条女：
我觉得你咁样好唔尊重我D朋友啊！自己坐埋一二边睇啵！搞到我几唔好意思啊！！
我：
痴线嘎，人地都唔系咁嘎意思！
我条女：
得啦！你睇啵大晒啦！下次我都唔会叫你同我D朋友出嚟唱K啦！你自己系屋企慢慢睇饱佢啦！
我：
。。。。。。。。。。

唉，到咗今朝，我条女都仲嬲紧，未肯听我电话。
我都唔知凼唔凼翻佢好...凼嘎，我怕自己无啵睇，唔凼嘎，我怕自己无咗个女朋友...
各位大侠，求指教啊！！