|
|
发表于 2012-6-15 14:15:04
|
|阅读模式
我考虑咗好耐，我应唔应该发黎张帖，发咗我既淑女形象一朝毁，但係唔发我个心果团火烧到home home声。
废话少讲，直奔主题
上个星期我老母话介绍个靓仔我识，咁OK呀，识识唔使死既，不过佢话要约晒D家长出黎见喎，讲到黎点我即刻退堂say no,相睇咪相睇咯叫晒冚家出黎托呀？我老母一味係我耳边依依哦哦好似超度咁，逼于无奈都係拦街算啦，好啦，过咗几日，我老母仲未放弃，佢继续係我面前推销黎个人，阿大佬呀，你都未见过黎个人，你推咩销呀，OK，我承认黎个人唯一既卖点就係有D钱，注意係有D钱，然后我为了让老母死心，我就同佢讲我有男朋友，佢问係边个，我就话係laughing哥（我老母少睇电视），佢叫我带畀佢见见喎（死慌我呃佢咁），我就话：睇定D先，再过咗两日，我约晒班朋友出去食饭唱K，大概北京时间21点左右，我老母来电，佢话我哥係杏坛撞车，叫我即刻过去，我嘴都未摸以100km的速度飞的过去，点知佢地齐晒人咁係酒店门口等我喎，我当时已经知道自己畀人局咗架啦，冇得翻转头，唯有入去睇下咩情况，第一次见果条友都觉得佢戴个眼镜斯斯文文既，如果带出街都似翻个人，我见大家坐係度咁闷又唔讲嘢，我米讲咗几个笑话畀大家笑下咯，点知大家都接唔到，当时既场面真係好冷呀，我逼于无奈之下提议我同果条友出去唱K，当时佢地既反应都十分支持既，咁我见冇人反对啦，就啦啦淋飞车过去啦，关于唱K既事我简略讲几句算啦，全程黎条友闷爆，仲开始食烟添，我都冇点理佢，佢送我翻去之后我见佢都冇问我罗电话号码我就知道出问题架啦，第二日，佢老母同人地讲，我好肥呀，又话我好open，唉~其实你地强迫我去相睇我已经原谅咗你地架啦，转个头闹我都有既，我唔当场闹你地只係畀翻D面你D长辈，但点解你地做咁多年人，连做人最基本既尊重都唔畀我呢，每个人都有缺点架啦，虽然我承认我係肥咗小小，注意係小小咋哈，但你话我open，我就几大都唔肯承认架啦，我只係比一般人幽默比一般人开朗D啫，同open有关系咩？既然你係长辈我就唔应该兜口兜面话你冇文化既，但你周街唱就唔岩啦，宜家通街通巷D人都话我冇人要，come on，我唔係冇人追架，你想要我介绍畀你都仲得呀。
|
|
窥视卡
雷达卡