25小时网_佛山市民生活网 › 首页 ›25小时新闻› 爱在佛山 › 查看内容

男友出轨抛弃我，我成日霖办法报复距同小三

2014-8-6 09:58

今周导读

　　分手系距提的，因为距中意左其他人，换句话来讲，就系距出轨了，甚至连分手都系距发短信同我讲的，然后就玩失踪了，唔复我短信，唔听我电话，我简直就来颠了，就唔信搵唔倒距。
　　终于通过几个朋友，搵到距新公司的地址，直接搵上门，我唔想同距吵，就发短信叫距落来。系楼下的咖啡馆度，距好清楚甘同我讲，话唔爱我，话一早就好烦同我一起，话中意左其他人要分手，叫我以后都唔好去搵距。然后望都唔望我一下就走左。留底我一个系度喊。可能你地觉得我好贱，好无出息，自动送上门比人骂。但我同距系一齐三年了，三年的感情无系话凭几句话分手就分手，我点都接受唔到呢个结果。
　　请左年假，系屋企训左一日一夜之后，我都系仲系打电话比距，我就想知道距点解要甘对我，呢段感情仲有无挽回的余地。结果今次电话一打就通，但却系一个女人声，就系果个第三者，原来距地已经住系一齐，瞬间火都来埋，唔理三七二十一就骂了她，问距点解要抢人男友，她被我骂完之后反倒心平气和，一听就知系难对付的人，她话距已经同你分手了，距唔爱你了，我地宜家系一齐好开心，希望我以后唔好再骚扰距地，然后就收我线了。
　　我有时候都觉得自己好疯狂，不停甘细距QQ空间留言，将我地相爱三年的点点滴滴都写出来了，我通过距的空间仲搵到距女友的QQ，日日去距空间骂距，我知甘样做唔好，但系边个叫距抢人男朋友。我有去距公司搵过男友，但距公司的人都话距出差了，问去左边出差，无人话我知，我怀疑距已经同公司的人打招呼。
　　我宜家每日就系霖着点搵到距，并唔系想同翻距一齐，就系唔想距过得舒服，我成日系度霖无甘易，你话分就分就分吗?甘我呢三年米比你浪费晒?呢种心态已经影响左我的生活同工作，身边的朋友都劝我放低，但我放唔低啊，一霖到呢件事就闷闷不乐，甘系咪一种病态呢?我应该点算好?