心，好乱，好惊，究竟应该点样去面对你？

yoyo

我承认我唔系一个淑女，我唔够温柔、体贴、细心、斯文，所有女仔中意噶野我基本上都唔中意。除咗个样之外可以讲无一D似女仔。唔知道系咪因为生活圈都系男仔嘅关系，所以爸爸一直将我当男仔黎教，总系大大咧咧的，而我身边都系男性朋友居多。甘样一个毫无女人味噶我，点解你会中意呢？
        唔知道系咪因为我过几日就要离开，所以你呢排睇落去比较烦躁，比我噶感觉好不安。直到今日你同我讲，你问我可唔可以比个机会你以后一直系我身边照顾我，可唔可以将男朋友，或者以后老公噶个位留比你，你话你怕宜家唔讲，以后就再无机会讲出口。心，好乱，好惊，好迷惘，我唔知道因该点答复你好，因为一直将你当“兄弟”，究竟应该点样去面对你？
        你话对于你黎讲我就好似鸦片一样的存在，了解得越深就越上瘾。你会习惯咗身边有我，习惯咗同我过“老人”一样噶生活，习惯咗有事无事黎我屋企痴饮痴食，习惯做同我一齐去打球，习惯咗同我一齐玩网游，习惯咗有事无事稳我吹几个钟头个“水”，习惯咗每年生日我都会送你一条红底裤，习惯咗同我一齐做麦霸，习惯咗依赖我的依赖，习惯咗我叫你做最讨厌的“姊妹”称呼，习惯咗我所有的习惯。
        每一次我有乜事，第一个出现噶个总系你，其实我很感激一路上有你。你好了解我，甚至比我更了解我自己，你了解我的痛，我的“防备”。即使我神经再大条，你对我有意思其实我系知道噶，其实你知道我一直都系度扮唔知，因为我怕你讲出口之后我地会做唔到朋友。甘多年黎，你对我噶付出，话唔感动系假噶。该面对噶始终都系要面对，我无可能永远都躲系个“龟壳”度唔出黎，比D时间我去静一静啦！
        其实你知道呢三年内我并唔想拍拖。2号我就要走喇，你叫我点比答复你？点可以甘自私要你等我3年？我怕关系变咗一切都会跟住改变。太了解嘅两个人，其实并唔适合系埋一齐噶。身边有太多失败嘅例子，时间同距离会改变一切。最怕到最后连“朋友”都做唔到。

kfc